Հայաստանի Հանրապետության ինտերնետով ծանուցման պաշտոնական կայք

ԹԻՎ ՍնԴ/1652/04/22 ՍՆԱՆԿՈՒԹՅԱՆ ԳՈՐԾՈՎ ԴԱՏԱՎԱՐԱԿԱՆ ՓԱՍՏԱԹՂԹԵՐԻ ԴԵՊՈՆԱՑՄԱՆ ՎԵՐԱԲԵՐՅԱԼ ՀՐԱՊԱՐԱԿԱՅԻՆ ԾԱՆՈՒՑՈՒՄ

28.06.2022

Հայտատու` ՀՀ սնանկության դատարան
ՀՀ քաղաքացիական դատավարության օրենսգրքի 95-րդ, 99-րդ հոդվածներ

ՍնԴ/1652/04/22

ՊԱՐՏԱՊԱՆ՝ «ՖՈԼԱՐ» ՍՊ ԸՆԿԵՐՈՒԹՅԱՆԸ
/ՏՆՕՐԵՆ ԳԱԳԻԿ ՍԵՐԳԵՅԻ ԱԼԵՔՍԱՆՅԱՆ/
/ՀՀ, ք. Երևան, Այգեձորի փողոց, տ. 56/2/

Հայաստանի Հանրապետության սնանկության դատարանի 13.06.2022 թվականի որոշմամբ /դատավոր Ս. Խաչատրյան/ թիվ ՍնԴ/1652/04/22 սնանկության գործով ՀՀ պետական եկամուտների կոմիտեի ընդդեմ «ՖՈԼԱՐ» ՍՊ ընկերության՝ պարտապանին սնանկ ճանաչելու պահանջի մասին դիմումն ընդունվել է վարույթ, իսկ 16.06.2022 թվականի որոշմամբ սնանկության ժամանակավոր կառավարիչ է նշանակվել Արամայիս Իսպիրյանը (սնանկության կառավարչի որակավորման վկայական թիվ 20121102-0003)։
Դատարանի «Դիմումը վարույթ ընդունելու մասին» 13.06.2022 թվականի որոշումը, դիմումի և կից փաստաթղթերի պատճենները նույն օրը ուղարկվել են պարտապան «ՖՈԼԱՐ» ՍՊ ընկերությանը և ընկերության տնօրեն Գագիկ Սերգեյի Ալեքսանյանին՝ ՀՀ, ք. Երևան, Այգեձորի փողոց, տ. 56/2 հասցեով, որոնք 24.06.2022 թվականին փոստային ծառայության կողմից հետ են վերադարձվել Դատարան՝ «Չպահանջված» նշումներով։
ՀՀ քաղաքացիական դատավարության օրենսգրքի 99-րդ հոդվածի 3-րդ մասի համաձայն՝ այն դեպքերում, երբ, սույն օրենսգրքի համաձայն, դատավարական ժամկետի հաշվարկն սկսվում է դատավարական փաստաթուղթն ստանալու օրվանից, և դատավարության մասնակիցը հրաժարվել է ստանալ դատավարական փաստաթուղթը, կամ դատարանին հայտնի հասցեով ուղարկված դատավարական փաստաթուղթը վերադարձվել է, կամ ուղարկելու օրվանից երկշաբաթյա ժամկետում դատարանը չի ստացել այն ստանալու մասին անդորրագիրը, կամ դատավարության մասնակցի հասցեն անհայտ է, ապա դատարանը սույն օրենսգրքի 95-րդ հոդվածի 5-րդ մասով նախատեսված գործողությունները կատարելու հետ միաժամանակ Հայաստանի Հանրապետության հրապարակային ծանուցումների պաշտոնական ինտերնետային կայքում տեղադրում է հրապարակային ծանուցում, որ նշված դատավարական փաստաթղթերը դեպոնացված են առաջին ատյանի դատարանում` դրանց ծանոթանալու նպատակով: Դատավարական փաստաթղթերի դեպոնացման մասին հրապարակային ծանուցումը Հայաստանի Հանրապետության հրապարակային ծանուցումների պաշտոնական ինտերնետային կայքում տեղադրելուց հետո՝ 15-րդ օրը, դատավարական փաստաթղթերը համարվում են հանձնված (ստացված):
Թիվ ՍնԴ/1652/04/22 սնանկության գործով պարտապանին սնանկ ճանաչելու պահանջի մասին դիմումը և կից փաստաթղթերը, պարտապանին ուղարկված ծանուցումները, ինչպես նաև Դատարանի որոշումը դեպոնացված են Հայաստանի Հանրապետության սնանկության դատարանում (հասցե՝ ՀՀ, Լոռու մարզ, ք. Ստեփանավան, Սուրբ Վարդանի 53)՝ դրանց ծանոթանալու նպատակով:
Պարզաբանում. Համաձայն «Սնանկության մասին» ՀՀ օրենքի 17-րդ հոդվածի 1-ին մասի 2-րդ և 3-րդ պարբերությունների՝ հարկադրված սնանկության վերաբերյալ դիմումը վարույթ ընդունելու մասին որոշումը ստանալուց հետո՝ հնգօրյա ժամկետում պարտապանը պարտավոր է դատարան ներկայացնել սույն օրենքի 12-րդ հոդվածով նախատեսված փաստաթղթերը և կրում է դրանք չներկայացնելու պատճառով առաջացող իրավական հետևանքների ռիսկը: Եթե դատարանի որոշումն ստանալուն հաջորդող 15 օրվա ընթացքում պարտապանը գրավոր չի վիճարկում իր սնանկությունը, ապա մեկշաբաթյա ժամկետում դատավորն առանց դատական նիստ հրավիրելու վճիռ է կայացնում պարտապանին սնանկ ճանաչելու մասին, եթե պարտապանն անվճարունակ է կամ առկա են սույն օրենքի 3-րդ հոդվածի 2-րդ մասի 2-րդ կետով նախատեսված հիմքերը:

Հասցե` ՀՀ, Լոռու մարզ, ք. Ստեփանավան, Սուրբ Վարդանի 53

Հեռ..` 0256-2-22-19

Էլ. փոստ`