Թիվ ՏԴ/0033/02/23 քաղաքացիական գործով հրապարակային ծանուցում
18.09.2023
Վեճի առարկայի նկատմամբ ինքնուրույն պահանջ չներկայացնող երրորդ անձ՝
Ռայա Ռազմիկի Մադաթյանին
Հասցե՝ Տավուշի մարզ, գ. Սարիգյուղ 4-րդ փ., 4-րդ նրբ., 8-րդ տ.
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՏԱՎՈՒՇԻ ՄԱՐԶԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ
Քաղաքացիական գործ թիվ ՏԴ/0033/02/23
Ո Ր Ո Շ ՈՒ Մ
ԳՈՐԾԻ ՎԱՐՈՒՅԹԸ ՎԵՐՍԿՍԵԼՈՒ ԵՎ
ՆԱԽՆԱԿԱՆ ԴԱՏԱԿԱՆ ՆԻՍՏ ՆՇԱՆԱԿԵԼՈՒ ՄԱՍԻՆ
01 սեպտեմբերի 2023թ. ք. Նոյեմբերյան
Հայաստանի Հանրապետության Տավուշի մարզի առաջին ատյանի ընդհանուր իրավասության դատարանը (այսուհետ` Դատարան),
քննելով ըստ հայցի Քրիստինե Արամի Արշակյանի ընդդեմ Արտեմ Ռադիկի Մադաթյանի, վեճի առարկայի նկատմամբ ինքնուրույն պահանջ չներկայացնող երրորդ անձինք՝ Ռադիկ Արամայիսի Մադաթյանի, Էֆրիդա Դերենիկի Մադաթյանի, Ռայա Ռազմիկի Մադաթյանի և Գևորգ Ռադիկի Մադաթյանի՝ գույքի բաժնեմասն առանձնացնելու և դրա վրա բռնագանձում տարածելու, անհնարինության դեպքում այն հրապարակային սակարկություններով վաճառելու և ստացված գումարը հետագայում համասեփականատերերի միջև բաշխելու պահանջների մասին քաղաքացիական գործի վարույթը վերսկսելու հարցը,
Պ Ա Ր Զ Ե Ց
Ներկայացված հայցադիմումը վարույթ է ընդունվել Դատարանի 20.01.2023թ. որոշմամբ:
Դատարանի 13.03.2023թ. որոշմամբ նախնական դատական նիստ է նշանակվել 18.04.2023թ.:
Դատարանը 18.04.2023թ. որոշմամբ բաշխել է ապացուցման պարտականությունը և նախնական դատական նիստ է նշանակել 23.05.2023թ.:
Դատարանի 23.05.2023թ. որոշմամբ նշանակվել է փորձաքննություն և գործի վարույթը կասեցվել է:
31.08.2023թ. Դատարանին է հաձնվել փորձագետի եզրակացությունը:
ՀՀ քաղաքացիական դատավարության օրենսգրքի 159-րդ հոդվածի 1-ին մասի համաձայն՝ դատարանը գործի վարույթի կասեցումն առաջացրած հանգամանքները վերանալու մասին իրեն հայտնի դառնալուց հետո` եռօրյա ժամկետում, իր նախաձեռնությամբ կամ գործին մասնակցող անձի միջնորդությամբ վերսկսում է գործի վարույթը:
Նկատի ունենալով, որ դատարանում ստացվել է փորձագետի եզրակացությունը, Դատարանը գտնում է, որ գործի վարույթը պետք է վերսկսել և նշանակել նախնական դատական նիստ:
Ելնելով վերոգրյալից և ղեկավարվելով ՀՀ քաղաքացիական դատավարության օրենսգրքի 5-րդ, 159-րդ, 199-րդ, 200-րդ հոդվածներով՝ Դատարանը
Ո Ր Ո Շ Ե Ց
1. Վերսկսել քաղաքացիական գործի վարույթը:
2. Նախնական դատական նիստ նշանակել 29.09.2023թ.՝ ժամը 14:30-ին, Տավուշի մարզի առաջին ատյանի ընդհանուր իրավասության դատարանի Նոյեմբերյանի նստավայրում:
Որոշումն օրինական ուժի մեջ է մտնում կայացման պահից և ենթակա չէ բողոքարկման:
ԴԱՏԱՎՈՐ՝ Ն. ԱՆԱՆՅԱՆ
ՏԱՎՈՒՇԻ ՄԱՐԶԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ
ԻՐԱՎԱՍՈՒԹՅԱՆ ԴԱՏԱՐԱՆԻ ԱՇԽԱՏԱԿԱԶՄ
4101, ՀՀ, Տավուշի մարզ, ք. Նոյեմբերյան, Կամոյի 2, հեռ.(0266) 2-22-02 tavush@court.am, court.am
ԴԴԱ-15/Ե_______________
« ___ » _______________ 2023թ․
Հայցվորի ներկայացուցիչ՝ Արսեն Դանիելյանին
Հասցե՝ ք. Չարենցավան, 5-րդ թաղ., 15 շ., 27 բն.
Պատասխանող՝ Արտեմ Ռադիկի Մադաթյանին
Հասցե՝ Տավուշի մարզ, գ. Սարիգյուղ 4-րդ փ., 4-րդ նրբ., 8-րդ տ.
Վեճի առարկայի նկատմամբ ինքնուրույն պահանջ չներկայացնող երրորդ անձինք՝
Ռադիկ Արամայիսի Մադաթյանին
Հասցե՝ Տավուշի մարզ, գ. Սարիգյուղ 4-րդ փ., 4-րդ նրբ., 8-րդ տ.
Ռայա Ռազմիկի Մադաթյանին
Հասցե՝ Տավուշի մարզ, գ. Սարիգյուղ 4-րդ փ., 4-րդ նրբ., 8-րդ տ.
Գևորգ Ռադիկի Մադաթյանին
Հասցե՝ Տավուշի մարզ, գ. Սարիգյուղ 4-րդ փ., 4-րդ նրբ., 8-րդ տ.
Ուղարկվում են թիվ ՏԴ/0033/02/23 քաղաքացիական գործով Տավուշի մարզի առաջին ատյանի ընդհանուր իրավասության դատարանի (դատավոր՝ Ն. Անանյան) Գործի վարույթը վերսկսելու և նախնական դատական նիստ նշանակելու մասին որոշումը և փորձագետի եզրակացության պատճենը:
Միաժամանակ տեղեկացնում ենք, որ սույն գործով նախնական դատական նիստ է նշանակվել 29.09.2023թ.՝ ժամը 14:30-ին, Տավուշի մարզի առաջին ատյանի ընդհանուր իրավասության դատարանի Նոյեմբերյանի նստավայրում (հասցե՝ ք. Նոյեմբերյան, Կամոյի 2, դատական նիստերի դահլիճ թիվ 1):
ՀՀ քաղաքացիական դատավարության օրենսգրքի 147-րդ հոդվածի 3-րդ մասի համաձայն՝ դատական նիստի ժամանակի և վայրի մասին ծանուցված գործին մասնակցող անձի չներկայանալը դատական նիստին արգելք չէ գործի քննության համար:
ՀՀ քաղաքացիական դատավարության օրենսգրքի 180-րդ հոդվածի 1-ին մասի 11-րդ կետի համաձայն՝ առաջին ատյանի դատարանը դատավարության ցանկացած փուլում հայցը կամ դիմումը թողնում է առանց քննության, եթե` ծանուցված հայցվորը (դիմողը) կամ նրա ներկայացուցիչը չի ներկայացել երկու հաջորդական դատական նիստերին և չի ներկայացրել գործի քննությունը հետաձգելու կամ գործն իր բացակայությամբ լուծելու վերաբերյալ միջնորդություն, և պատասխանողը չի միջնորդել գործի քննությունը շարունակելու վերաբերյալ:
Դատական նիստին անհրաժեշտ է ներկայանալ անձը հաստատող փաստաթղթով (ներկայացուցիչը՝ նաև լիազորագրով կամ լիազորությունները հավաստող այլ փաստաթղթով):
Քաղաքացիական գործի վերաբերյալ տեղեկություններին կարող եք ծանոթանալ նաև www.datalex.am կայքից:
Առդիր՝ «10» թերթից:
Դատավորի օգնական՝ Հ. Բաբաջանյան
Հասցե` ՀՀ, Տավուշի մարզ, ք. Նոյեմբերյան, Կամոյի 2
Հեռ..` (0266) 2-22-02
Էլ. փոստ`